For Anika's first pick

Нашата ќерка Аника Јовевска има 3 години. Она е наше трето дете, има постари сестра Ангела и брат Бојан. Аника е невербална, има аутизам и епилепсија. Набрзо по нејзиното раѓање проследено по многу тешка бременост, беше очигледно дека нешто со не е во ред. Се грчеше, имаше рефлукс, не можеше воопшто да ја држи главата, немаше никаква контрола врз рацете. Откривме првенствено дека има хипотонија на горниот дел од телото за што одеше кај прекрасен физиотерапевт кој работеше долго со неа, и и’ помогна да прооди на 1 година и 9 месеци. Во меѓувреме ги правевме и останатите испитувања за мозочето, метаболизмот и воопшто задоцнетиот развој, при што докторите открија дека има епилепсија за што доби лекови кои делумно ги контролираат епилептичните напади, а пред неколку месеци ја доби и официјалната дијагноза за аутизам. Аника редовно работи со логопед и дефектолог уште од мало бебе, ништо не оставивме на игра на случај.

 После многу испитувања и консултации во Македонија и околината, излезе дека е идеален кандидат за трансплантација на матични клетки во Лив Хоспитал, Истанбул, Турција, со што би се ублажиле симптомите на нејзините состојби и би почнал некаков напредок кај неа. Откако ги прими првите две дози на матични клетки, почнавме да приметуваме голем напредок кај неа и добивме совет да прими уште 4 дози во два наврати, што значи дека треба уште 2 пати да одиме во Истанбул.

Ние како семејство не сме спремни да го издржиме тој финансиски трошок, со што сме приморани повторно да се обратиме до Вас, хуманите луѓе со големо срце кои помогнаа да ги прими првите две трансплантации. 

Ви благодариме од срце, и се надеваме дека Аника сама ќе може да Ви се заблагодари на сите откако ќе ја прими последната доза!