🙏Од срце ви се обраќам како мајка на моето дете, мојот син Ванчо.Тој има само 18 години, а зад себе веќе носи тежина колку за еден цел живот.

Ванчо се роди здраво и весело бебе. Се беше во ред до неговите 6 месеци, кога по една вакцина започна да добива епилептични напади. Тогаш нашите животи засекогаш се променија. Потоа дојде дијагнозата – церебрална парализа. На 1 година и 2 недели успеа да прооди, но за жал тогаш состојбата со парализата нагло се влоши и почна нашата голгота.

Мојот син секој ден се бори со потешкотии во движењето и говорот. Тој е секогаш насмеан и пријатен, но комуникацијата му е најтешка. Во последно време епилепсијата стана уште посилна – добива чести и засилени напади. Сме пробале со сите апчиња и терапии, но ништо не помага. Последниот удар беше кога од нападите му се преплетија и цревата…

Лекарите ни кажаа дека решение постои – специјален апарат кој ќе ја спречува епилепсијата. Тој апарат е единствена надеж за Ванчо да може да има мирни денови, без постојан страв дека нападите ќе го скршат неговото тело и душа.Ванчо има и постара сестра која секогаш му е поддршка. Нашето семејство се труди да му даде се, но вистината е дека без ваша помош не можеме да му ја овозможиме оваа шанса за живот🙏

Секој ден го гледам моето дете како се мачи и срцето ми се кине. Молам од сите добри луѓе – помогнете му на Ванчо да ја добие оваа шанса! Секој ваш придонес, секое споделување, секој збор на поддршка е огромна светлина за нас.
Да му дадеме на Ванчо можност да живее достоинствен живот, да го запознае светот без болка и напади. Тој тоа го заслужува!