За родителот нема поголема радост од здравјето на своето дете. Да гледа како безгрижно расте, да се радува на првиот чекор, првиот збор и насмевка е скапоцен дар. Семејствотото е најголемиот благослов кој може да ни го подари животот. Нашето семејство долго се бори да ја исправи малата Симона на нозе. После последните испитувања направени во Турција се постави дијагноза дека поради мозочно крварење има поголемо оштетување на центарот за движење. Лекарскиот конзилиум даде мислење дека потребно е подолго лекување, се додека Симона не наполни 4 години таа треба да застане на нозе. Лекувањето вклучува интензивни физикални терапии, хидротерапија, пливање и електротерапија.

Кога животниот пат станува претежок, кога е полн со болка и страдање, тогаш на човекот му е потребен ЧОВЕК. Во овие мигови потребни сте ни сите. Вашата хуманост е единствената моќ за нашата борба. Не потсетува дека не сме сами во долгите денови и ноќи по болничките соби,далеку од домот. Велат дека нема поголема сила во родителот од борбата за своето дете. Симона заслужува да застане на нозе, да се врати кај своите сестрички, да го исполни својот живот со среќни мигови. Ние како родители го испраќаме овој апел до секое семејство, до секој човек, до секој родител. Бидете со нас, дајте ни можност да се бориме, бидете поддршка на нашата сила. Нашето родителско срце вечно ќе ви биде благодарно.

Секое дете на овој свет заслужува здрав и среќен живот. Симона е само невино дете кое чека да ги направи своите чекори. Таа е ментално здрава и соработува на вежбите и напредува. Tаа не чека сите нас да и покажеме дека животот е убав, да и дадеме одговори на детските прашања и да и го обоиме денот со светлина и безгрижност. Не чекаат многу игри неизиграни, многу прошетки непрошетани, многу патишта наизодени. Нејзината ѕвонлива смеа и сјајот во очите ни даваат сила и верба дека сепак на крајот ќе победи животот и едно дете ќе добие свое детство.

Сите заедно да и помогнеме да исчекори во еден свет кој е полн со човечност, подадена рака и хуманост!