10-ти април 2025

Мартин победи - благодарение на вашата помош и поддршка!

Мартин е 17-годишно момче кое, по серија прегледи и консултации, беше дијагностицирано со сквамозен карцином на јазикот - исклучително ретка болест за личност на негова возраст. Во тинејџерските години, едвај 0,0001% од населението развиваат ваков тип рак.
Благодарение на брзата реакција, поддршката од стручњаци и неговата човечка волја, се стигна до решение: операција кај проф. Хакан Агар во Турција - еден од ретките специјалисти во светот што изведуваат реконструктивни операции на јазикот.

Но операцијата бараше средства кои семејството не ги поседуваше. Со помош на 1438 донатори беа собрани над 62.000 евра. Во 2023 година, операцијата во болницата Acıbadem Altunizade Hastanesi во Истанбул помина успешно – беше извршена делумна резекција и реконструкција на јазикот, како и лимфна дисекција на вратот. Потоа, Марти помина и низ радиотерапија и серија контролни прегледи, вклучително и магнетна резонанца и ПЕТ скенери.

И денес ви ја споделуваме прекрасната вест:
Говорот, подвижноста на јазикот и неговата општа состојба се одлични.
Марти е насмеан, здрав и исполнет со надеж - во моментов ужива во студентските денови.

И за сето ова "виновни” сте ВИЕ! 💚

🙏 Драги донатори, ви благодариме од срце:

Што не останавте рамнодушни.

Што поверувавте.

Што помогнавте.

Што споделивте.

Што дониравте.

Оваа приказна е уште еден доказ за моќта на човечката поддршка и солидарност.
Животот продолжува за некого, затоа што ВИЕ постоите.
Вие давате. Вие дарувате надеж. Вие сте надеж. 💚