25-ти ноември 2025

Заедно ѝ подаривме шанса за живот на Роси

Денес ви претставуваме кампања која за исклучително кратко време покажа што може да постигне човечноста кога е водена од љубов и сочувство. Приказната на Роси е доказ дека кога се обединуваат луѓето во името на доброто – се случуваат чуда.

Ова е Роси – жена која се соочи со едно од најтешките искушенија во животот – дијагнозата интрамедуларен епендимом, доброкачествен тумор на рбетниот мозок кој ѝ го промени секојдневието и ја стави во тешка борба за здравје.

И покрај се, таа не ја изгуби надежта. Во нејзината борба се приклучија илјадници добри луѓе кои поверуваа во неа и ѝ подадоа рака.

Преку платформата PavelAndreev.ORG, повеќе од 1.894 донатори се обединија и собраа над 70.626,94 евра, потребни за нејзиното лекување. Секој донатор, секое споделување и секој добар збор беа дел од чудото кое денес и дава можност да продолжи напред со надеж и вера.

Семејството на Роси и целиот тим на PavelAndreev.ORG ја изразуваат својата искрена благодарност до сите кои ја поддржаа каузата и помогнаа средствата да бидат собрани навреме.

Приказната на Роси е уште еден доказ дека добрината ги менува животите – затоа што заедно можеме се.