31-ви октомври 2025

За само 2 дена – илјадници срца му помогнаа на Љубо да ја продолжи својата борба

Уште една прекрасна вест што докажува дека кога луѓето се обединуваат во името на доброто – се случуваат чуда!

Приказната на Љубо ги допре срцата на илјадници луѓе. Млад човек исполнет со соништа и сила, кој секој ден се соочува со тешката дијагноза мултипла склероза – болест што го зафаќа нервниот систем.

По долга борба, терапии и надеж, за Љубо се појави реална можност за опоравување – интензивен третман и рехабилитација во странство.

Благодарение на повеќе од 1.121 донатори, преку платформата PavelAndreev.ORG, за само два дена беа собрани над 56.919,12 евра потребни за неговото лекување.

Семејството на Љубо и тимот на PavelAndreev.ORG изразуваат длабока благодарност до сите кои поверуваа, споделија и помогнаа. Заедно покажавме дека добрината нема граници.