31-ви март 2025

Бојан е опериран успешно благодарение на вашата поддршка!

Почитувани донатори, споделуваме со вас одлична вест - операцијата на Бојан помина успешно!

1240 луѓе се обединија во една кауза - да му дадат шанса за живот. Благодарение на вас, добротворци и благородни луѓе, беа собрани 42.797,23 EUR - сума која го направи неговото лекување возможно!
Вие, луѓе со големи срца, докажавте дека добрината и солидарноста имаат сила да променат човечки судбини.

Ви ја припомнуваме приказната на Бојан:
Во 2021 година, Бојан беше дијагностициран со рак на мозок и помина низ тешка, исцрпувачка битка - операција, радиотерапија, хемотерапија...
Две години изгледаше како сè да биде во ред, но во февруари 2025 година дојде најлошата вест - туморот се врати.
Овој пат, побрз, поопасен.
Многу лекари одбија да оперираат поради висок ризик и сложноста на интервенцијата... 💚
Но, ВИЕ не се двоумевте!
Дониравте. Споделивте. Му дадовте шанса.
И на крајот од март 2025 година, лекарите успеаја да ја извршат операцијата.
Операцијата беше успешна!
Бојан веќе се опоравува, но сè уште му претстои пат - постоперативно лекување и хемотерапија.

🙏 БЛАГОДАРИМЕ!
💚 Секоја донација, секоја споделена кампања, секоја поддршка му даде на Бојан - и на илјадници други луѓе - сила да продолжат!
Дарувајќи, менувате животи. Вие сте светлинката во тунелот, мало чудо на кое некој му е потребно - денес, сега, веднаш! Ви благодариме од срце! 💚

📢 Следете ја секцијата "Редакција" за уште мотивирани приказни за силата на добрината, емпатијата и - најважното - непоколебливиот човечки дух!