25-ти април 2025

Добри вести за Марија!

Само пред неколку дена ви споделивме како, обединети со една цел – повеќе успешни кампањи и повеќе излечени луѓе – заедно успеавме да собереме над 50.000 евра за само 3 дена во корист на малата Марија!

Со собраната сума беше извршена навремена и животоспасувачка операција, за која денес со радост ви информираме – операцијата беше успешна!
Детето веќе е изнесено од интензивна нега. Иако има постоперативно оток и покачена температура, нејзината состојба е стабилна. Претстојат снимања, лекарски прегледи и период на опоравување, но најважниот чекор веќе е направен – и тој стана можен благодарение на вашата добрина и солидарност.

Како што напиша таткото на Марија:
„Почитувани донатори, вие дадовте дел од вашиот залак леб за Мими да има иднина. Благодарност од сем. Александрови!“

🙏 И ние ви благодариме што давате од своето, што срцата ви чукаат за каузите и кампањите на платформата!
Емпатијата и човечноста се заразни – и вие го покажувате тоа секојдневно, секој час, секоја минута. 💚