16-ти септември 2025

Добра вест: Собраните средства ѝ даваат шанса на Марија за подобра иднина

Марија има само 12 години, но нејзиниот живот досега беше исполнет не со игри и безгрижност, туку со тешки операции, болнички ходници и секојдневна борба со дијагнозата вродена церебрална парализа. Секој нејзин чекор бара огромна сила и истрајност, а секое мало достигнување е голема победа.

Денес, пак, споделуваме радост – кампањата за Марија заврши успешно!
Благодарение на дарежливоста на 49 донатори, преку PavelAndreev.ORG беа собрани повеќе од 1.011,47 евра, со кои таа ќе добие неопходни терапии и лекување.

Семејството на Марија упатува најсрдечна благодарност до PavelAndreev.ORG и до сите добри луѓе кои поверуваа и подадоа рака.

Ова е уште еден доказ дека заедно можеме да подариме не само средства за лекување, туку и надеж, насмевки и подобра иднина за едно дете.