17-ти ноември 2025

204 добри срца се обединија за да ѝ помогнат на Бедрие!

Приказната на Бедрие ги допре срцата на стотици луѓе. Млада жена, исполнета со соништа и надеж, која секој ден се соочува со своето тешко искушение – дијагнозата артериска хипертензија, што доведе до сериозни здравствени проблеми и потреба од специјална медицинска помош.

Благодарение на 204 донатори, преку платформата PavelAndreev.ORG, беше собрана целосната сума од 11.206,20 евра, потребна за набавка на AFR (Atrial Flow Regulator) уред – мал имплант што создава контролиран отвор меѓу двете преткомори на срцето.

Секој донатор, секое споделување и секој добар збор станаа дел од чудото што денес ѝ дава на Бедрие сила, надеж и самодоверба во иднината. Оваа кампања уште еднаш покажа дека заедно можеме да менуваме судбини. Добрината има моќ да лекува, а вербата – да го врати животот.

Семејството на Бедрие и целиот тим на PavelAndreev.ORG искрено им се заблагодаруваат на сите кои ја поддржаа каузата и помогнаа средствата да се соберат навреме.