Живот на нозе за Валентина

Како да им ветиш на своите деца дека ќе станеш… кога телото не те слуша? 💔

Од кога знам за себе, нешто не беше во ред со моите нозе. Уште како мала почнав да одам накриво, но никој не знаеше зошто. Поминав низ операција, се надевав дека ќе биде подобро… но не беше.

Кога ги родив моите две деца – мојата гордост и моето се – болките станаа посилни. Нозете ми попуштаа, а јас секој ден се борев со движење. Понекогаш едвај стигнував до бањата, но ќутев, стискав заби… за нив.Пред извесно време паднав во дупка. Оттогаш, не можам веќе да одам. Болките се нечовечки. Пијам апчиња секој ден, но и тие се помалку помагаат. Потребна е итна операција на двата колка. Без неа… нема да можам повторно да станам.

Имам ќерка и син — 13 и 15 години. Секој ден ме гледаат беспомошна. Плачат. Ме прашуваат:
Мамо, ќе станеш ли пак?
А јас не знам што да им одговорам…

Мојот сопруг е мојата најголема поддршка. Се што може – прави. Но, немаме доволно. Ниту приближно доволно за операциите кои се спас за мене. Не барам ништо луксузно – само шанса да можам повторно да ги прегрнам децата стоејќи на нозе.

🙏Ве молам, ако можете – помогнете. Секоја донација, секој споделен збор, секој човек што ќе прочита и ќе сочувствува, ми е светлина во овој мрак.