„Ѕвонете ми само за најлошото.“ Ова ни го рече докторот во Македонија за мојот сопруг Деан. Малигниот тумор на мозокот, од четврти степен, му се врати по операцијата, зрачењето и хемотерапијата. Веќе две недели лежи на постела и не ги движи левата рака и нога. Тука повеќе не можат да му помогнат, а операцијата во странство е сума што ние сами не можеме да ја собереме.
Јас сум сопругата на Деан. Многу ми е тешко да барам помош од луѓе што не ги познавам, но не ми остана друго. Деан беше на нозе од сабајле до сабајле. Работеше се водоинсталатер, електричар немаше работа што не ја разбираше. Сепак, луѓето најмногу го знаат како пчелар. Секој викенд целото семејство се собираше на ручек кај нас, со децата и внуките околу масата. Тоа беше нашиот живот, едноставен и полн.
Се започна со главоболки. Деан пиеше аналгин и мислеше дека ќе помине, не знаеше од што го боли. Потоа почна полошо да гледа и постојано му се гадеше. Кога имаше сообраќајна несреќа, го пратија на скенер и тогаш го најдоа туморот. Лекарите ни рекоа дека мора итно да се оперира.
Во февруари 2026 беше опериран и туморот беше отстранет. Од болница излезе во многу подобра состојба. Анализите покажаа дека туморот е малиген, од најтешкиот, четврти степен. Следуваа зрачење и хемотерапија, но наместо подобро, му стануваше се полошо.
Во јуни почна да ја губи силата во левата рака и нога и тешко одеше. Повторно беше примен во болница. Снимањето покажа нови тумори, блиску до мозочното стебло, и лекарите рекоа дека повеќе не може да се оперира. Во септември снимањето покажа три поголеми тумори и оток околу нив, а од тогаш состојбата му се влошува.
Туморите и отокот притискаат на деловите од мозокот што ја движат левата страна од телото. Затоа Деан не може да оди и не може сам да стане. Порано стануваше од кревет со моја помош, а последните две недели ни тоа не може. Главата постојано го боли. Терапијата за отокот во мозокот ја прима дома, преку службата за домашна посета, но таа не ја лекува болеста.
Најмалата внука е многу врзана за него. Го фаќа за рака и му вели „Дедо, ајде стани.“ А тој мене постојано ме прашува „Ах, ќе оздравам ли јас ? Каков бев, каков сум сега.“
Не знам што да му одговорам.
Последните две недели само се молиме да не го изгубиме. Лекарите во Македонија кренаа раце, но докторот во странство ни рече дека може да го оперира и првпат по долго време ни даде надеж. Операцијата е сума што ние никогаш не би можеле сами да ја собереме. Без неа туморите ќе продолжат да растат, и секој ден болеста ни зема се повеќе од него.
Ве молам, донирајте за Деан, за да може повторно да седне со внуките на нашиот ручек. А ако не можете, споделете ја неговата приказна и помолете се за него.
Платформата PavelAndreev.ORG има јасно дефинирани правила за исплата на донираните средства за медицински кампањи. Тие гарантираат дека сите средства ќе бидат наменски искористени за лекувањето и за придружните трошоци. Сите документи за кои е направено плаќање се видливи во секцијата Вести.
6 лесни начини да ја направите вашата донација – картичка, PayPal, ApplePay, GooglePay, Revolut, IBAN.
Во секцијата Вести ќе најдете информација од иницијаторите на кампањите.
PavelAndreev.ORG е најбезбедната платформа за организирање на твојата следна кампања.