Татко на пет деца од ден на ден го губи видот!

„Сестро, не можам повеќе. Го губам видот, матно ве гледам.“ Ова ми го рече брат ми Трајко, 45-годишен татко на пет деца, кој работи како негувател на стари лица. Со десното око гледа само магла, а заматувањето веќе почнува и на левото. Лекарите велат дека му треба операција, а ние како семејство не можеме сами да ја платиме.

Порано Трајко си работеше, ги гледаше своите деца и излегуваше со нив на прошетка. Денес секој ден гледа се помалку. Најмногу се плаши дека нема да може да ги гледа своите пет деца како растат, онака како што ги гледаше досега.

Јас сум негова сестра и многу ми е тешко да барам помош. Сфатив дека ова повеќе не е работа на очила кога забележав дека се сопнува додека оди. Трајко носи очила од 2001 година и оттогаш диоптријата на десното око постојано расте. На прегледот во септември лекарите кажаа дека има катаракта на двете очи. Тоа значи дека леќата во окото, која треба да е проѕирна, се заматила, па се што гледа е како низ магла. На десното око тоа е многу напреднато и ни со очила не гледа речиси ништо. Лекарите ни објаснија и дека ова око е слабовидно уште од порано.

Затоа советуваат операција на десното око, при која заматената леќа се заменува со нова. Тоа е неговата надеж повторно да ги види децата појасно. Без операција, видот ќе му се гаси се повеќе, како што му се гаси секој ден досега.

Ме прашува: „Сестро, дали ќе останам вака со очиве или ќе бидам нормален како досега?“
Не знам што да му одговорам. Кога го гледам во оваа состојба, и јас се прашувам дали се ќе биде во ред со него. Со пет деца дома, сумата за операцијата е непосилна за нашето семејство.

Трајко секој ден се грижи за стари луѓе кои не можат сами да се справат, а сега на него му треба помош. Многу ми е тешко да барам помош, но не можам да гледам како тивко го губи видот пред своите деца. Ве молам, донирајте за неговата операција. Ако не можете, споделете ја оваа приказна, за да стигне до некој што може да помогне.