Спаси го детството на Кристијан

Јас можам да се борам со светот  но не можам сама да ја победам болката на моето дете.

Јас сум мајка. Мајка на Кристијан. Детето што ми го промени животот од темел – и ми го покажа вистинското значење на борбата, на болката… и на љубовта без граници.Кристијан боледува од детска церебрална парализа. Дијагноза која не му го одзеде само телото – туку му ја замагли и секоја шанса за нормално детство.

Но Кристијан не се предава. Тој е борец.
И јас не се предавам. Јас сум негова мајка.Со години трчам од една до друга болница, од еден до друг доктор, барам помош, одговори, надеж…Но, во Македонија лекувањето е како обид во темнина – терапиите постојано се менуваат, лекарите си експериментираат. Едни велат едно, други – спротивното. Ми го менуваат лекот, ми го укинуваат, го враќаат… а моето дете е заложник на нивните неодлучности.На Кристијан му беше препишувана комбинација од лекови – Оксалепт, Ламал, CBD масло со THC… но без јасна насока. И додека лекарите се премислуваат, моето дете се изаморува, се влече, се помалку издржува.

💔Болно е... да гледаш како твоето дете страда, а да не можеш да му помогнеш. Болно е да слушаш „ќе пробаме“, „не знаеме“, „видете по една година“...Јас го подигнав моето дете на нозе со своите раце – со физикална терапија, со љубов, со надеж.
Но сега – ми го влечат назад.И ако не превземам нешто сега – ќе го изгубам тоа што со години го градев.Затоа заминавме во Турција.Таму барем слушаат. Таму имаат план. Таму ја чувствувам надежта за моето дете.Но таму е и скапо. Прескапо за една мајка што веќе се потрошила.

🙏Ви се обраќам со срце отворено, со очи полни солзи и душа што повеќе не знае каде да бара сила: Помогнете му на Кристијан.
Да не го изгуби детството.Да може еден ден да стои сам на нозе, да трча, да се насмее без болка.Потребни се средства за продолжување на лекувањето во странство.
Секоја донација, секој споделен збор, значи чекор поблиску до шанса за подобар живот.

Од едно мајчино срце –
Ви благодарам. За надежта. За добрината. За хуманоста.