Помогнете да ја вратиме насмевката на Бела‼️

🚨Помогнете ни да ја вратиме насмевката на детското лице на Бела🚨

Бела се роди предвреме, среде пандемија, во време кога целиот свет беше во страв, а ние уште повеќе – затоа што нашето бебе се бореше за својот прв здив.Бела беше веднаш сместена во инкубатор, каде што ги помина првите два и пол месеци од животот. Со сепса, хипоксија и крварење на мозочето, прогнозите беа тешки, речиси безнадежни. Но, Бела не се предаде. Покажа каков борец е уште од првиот ден. Преживеа. Победи.

Но борбата не заврши таму. Како последица на тие компликации, денеска Бела се соочува со церебрална парализа, кортикално оштетување на видот и фокална епилепсија. Иако има четири години, се уште нема стабилна контрола на главата и трупот, не зборува и не може самостојно да седи.Од моментот кога ја напуштивме болницата, живееме со една единствена цел – да ѝ помогнеме. Започнавме со рехабилитација тука, во Македонија, но за подобри шанси ја продолживме и во Србија, Хрватска, Словенија, Грција и Бугарија. Секој пат, со нова надеж, со нова енергија, со нова верба. Благодарение на интензивната работа и стручните тимови, има напредок. Мал, но вреден секој здив.

🚨Сепак, времето е скапоцено. Оштетувањата се длабоки, а шансите за поголем напредок зависат од интензитетот и квалитетот на третманите.Неодамна слушнавме за нов метод – неинванзивен, револуционерен третман кој веќе покажува резултати кај деца како нашата Бела. Се спроведува во истражувачки центар во Монтереј, Мексико, и е во процес на одобрување од FDA. За нас, ова не е само надеж – ова е можност. Можност за подобар живот. Можност Бела конечно да го добие детството што го заслужува.

Но сами не можеме. Цената на третманите е висока. Ни требаат средства за најмалку три третмани. Се што сме имале вложивме. Секој ден, секоја ноќ, секој здив ни е посветен на неа. Но сега, за првпат, вистински ни треба вашата помош.Се обраќаме како родители и како луѓе што ја чувствува болката на своето дете и што секојдневно се буди со надеж дека ќе ѝ биде подобро.
Помогнете ни🙏

🙏Помогнете и на Бела да го добие својот глас, својата стабилност, својата детска насмевка на своето лице.
Помогнете ѝ да победи во оваа борба‼️