Одобрена исплата към MAJCHIN GLAS DOOEL

Почитувани, Најнапред сакаме искрено да Ви се заблагодариме Вам и на сите донатори кои преку Фондацијата Павел Андреев несебично помогнаа во лекувањето и рехабилитацијата на нашиот син Алексеј. Благодарение на Вашата поддршка, тој доби можност да ги посетува Томатис третманите во Белгија, кои се од големо значење за неговиот развој. Со ова барање Ве замолуваме да ни одобрите дел од преостанатите средства од кампањата да бидат пренаменети за покривање на Томатис третманите на Алексеј во Томатис центарот „Мајчин глас“ во Скопје. Причината за ова барање е што во Скопје започна со работа Томатис центар кој работи во соработка со белгиските Томатис терапевти и ја применува истата методологија на работа. На овој начин Алексеј ќе може да продолжи со терапиите без прекин, а истовремено ќе се избегнат долгите патувања и дополнителните трошоци поврзани со престојот во Белгија. Ве уверуваме дека сите средства ќе бидат искористени исклучиво за намената за која беа собрани – Томатис третмани за Алексеј, само што тие ќе се реализираат во Томатис центарот „Мајчин глас“ во Скопје. Ви благодариме за досегашната доверба, разбирањето и неизмерната поддршка. Вашата хуманост ни дава сила да продолжиме да се бориме за напредокот на нашиот син. Со почит, Семејството на Алексеј