Нина заслужува живот без болка и со насмевка ❤️

Замислете да го гледате вашето дете како расте, а секој чекор му е борба... 💔
Да гледате како сите други деца трчаат, се смеат, одат на училиште – а вашето дете со години ја води најтешката битка со своето тело.

Јас сум мајката на Нина Димитриевска од Струмица. Нина има 14 години и боледува од церебрална парализа.
Нашата борба трае со години. Од нејзините 2 и пол години откривме дека нешто не е во ред, затоа што не можеше да прооди. Оттогаш нашите животи се претворија во постојани терапии, рехабилитации и лекувања.

На само 7 и пол години ја однесовме во Америка, каде што ѝ беше извршена операција Selective Dorsal Rhizotomy (SDR) – операција што помага на децата со церебрална парализа да го намалат спазмот во нозете и да можат да чекорат.
После операцијата, со многу труд и вежби, Нина почна да оди подобро, па дури и самостојно да прави чекори. Тоа беше најубавиот момент во мојот живот. 💙

Но потоа дојде пандемијата… и се застана. Нема терапии, нема рехабилитации. Напредокот кој толку тешко го постигна – почна да исчезнува.

Во меѓувреме откривме дека има и глауком, а подоцна и сколиоза, поради која скоро три години носи корсет. Сега состојбата веќе е сериозна и мора да се изврши операција. Стравот од последици е голем, но уште поголема е желбата Нина да има подобар живот – да може да се движи, да не трпи болки, да живее достоинствено како сите деца.

Нина веќе ја направи операцијата🙏,затоа што повеќе немавме време да чекаме. Состојбата стана сериозна и се плашевме од последици, па решивме да ризикуваме – само да и помогнеме.За жал, после операцијата се појавија компликации и сега ни претстојат дополнителни трошоци.
Ова е тежок период за нас.

🙏Зтоа ве молам од срце – помогнете ни❤️
Секој ваш денар е поддршка за Нина да закрепне побрзо и да може повторно да стои на нозе, без болка и со насмевка.
Веруваме дека со ваша помош ќе го пребродиме и овај чекор❤️