💔Да и помогнеме на Менче да ја добие шансата за живот

Понекогаш животот те тера да бидеш посилен отколку што си мислел дека можеш. 💔
Јас сум Менче Петрова, имам 42 години и до пред две години бев самохрана мајка која сама се бореше за своите деца. Денес, ќерка ми е мажена, а јас останав сама – со една единствена борба што морам да ја добијам: борбата за мојот живот.

Пред неколку месеци ми беше дијагностициран бениген тумор на мозокот – Meningotheliomatosum.
Се започна со силни главоболки, вртоглавици, замаглување на видот и трнење на десната страна на лицето. По испитувањата, лекарите во Македонија направија оперативен зафат, но утврдија дека туморот е недостапен за безбедно отстранување.

Сега единствената надеж е третманот со радиотерапија (СРС) во болницата „Санте Плус“ во Турција.
Овој третман може да го запре растот на туморот и да ми овозможи повторно да живеам без страв дека секој нов ден ќе биде полош од претходниот.

Но за тоа ми се потребни 8.000 евра – сума што сама не можам да ја обезбедам.Јас сум жена, мајка и баба, која целиот живот се трудела чесно да работи и да се грижи за своите најблиски. Денес, со сета скромност и надеж, ви се обраќам за помош.

🙏 Ве молам, помогнете ми да стигнам до лекувањето во Турција.Секој ваш денар, секое споделување, секој збор на поддршка – за мене значи чекор поблиску до животот.

Не барам многу – само шанса да продолжам да живеам, да го гледам моето внуче како расте, да им се насмевнам на луѓето што ги сакам.

Од срце ви благодарам на сите што ќе ја препознаете оваа борба и ќе помогнете.Вашата добрина може да ми го спаси животот. 💙