26-ти август 2025

Добра вест – Тита е излекувана!

Понекогаш животот нè става пред предизвици кои изгледаат непремостливи. Така беше и со Тита, кога ја слушна страшната дијагноза – лимфом. Од тој момент натаму, секој ден се претвори во борба исполнета со болка, страв и неизвесност.

Нејзиното семејство, сепак, не остана само во оваа борба. Со вера во доброто и со поддршка од повеќе од 2.001 донатори, преку платформата PavelAndreev.ORG беа собрани над 67.343 евра, за Тита да добие шанса за живот и можност за лекување во странство.

И денес можеме да ги кажеме најубавите зборови – Тита е излекувана! Лекарите потврдуваат дека лимфомот се повлекол и засега нема потреба од дополнително лекување. Претстојат контролни прегледи, но надежта веќе е силна, а иднината светла.

Денес таа може да ги гушка своите деца, да сонува и да живее целосно – а нејзината насмевка е најголемиот доказ дека чудата се случуваат кога луѓето се заедно.

Од името на Тита, нејзиното семејство и целиот тим на PavelAndreev.ORG, изразуваме искрена благодарност до секој што дари надеж, сила и љубов.

🔗 Види повеќе за кампањата на Тита – Дари живот за Тита