The New Year's Eve trpeza for the luѓetos on which they are needed

Празници се ближат!!!
Се сеќавате на приказната за "Девојчето со ќибритчињата", кога низ прозорец ги гледаше полните трпези, накитените елки, подароците... Кога со секое запалено шкорче замислуваше дека и таа има семејство и полна трпеза? Сигурни сме дека се сеќавате сите на оваа најтажна приказна која сите сме ја прочитале.

За жал, ова не е приказна кај нас, ова е реалност во многу семејства за кои се грижиме. Нема трпеза, нема елка, нема подароци, некои од нив ни струја немаат, нема детски џагор и смеење, ниту пак новогодишна атмосфера. Децата на овие семејства немаат ни пари за ужинка, а камо ли да добијат подароци. Со скинати чорапчиња, донирана облека и празен стомак како и секој ден, ќе си легнат да спијат. Родителите на овие деца се предвреме остарени, уморни и несреќни, заборавиле што е среќа, заборавиле што е убаво. Само беда и очај 365 дена во годината и битка за опстанок.

Затоа, Ве молиме, да застанеме сите кои сме во можност и да донираме!!! Па каква е таа реклама "Празници се ближат", ако нема со кого да прославиме, или, да славиме додека некој гладува!?

Ве молиме, сите заедно да нахраниме што повеќе луѓе!!!
Да им помогнеме на соседите кои немаат, да купиме пакетче за секое дете, да платиме сметка за струја на некоја баба или дедо.
Ќе го светнеме ли крајот на оваа лоша година??? Ние велиме ДА, сите заедно!!!

Да го направиме крајот на оваа година да свети и да ја засени сиромаштијата.
За среќен крај на оваа и оптимистички дочек на следната 2025. Донирајте и помогнете, да не оставиме никого гладен!!!

Кога нашите деца ќе отворат подарок или пакетче, ќе знаеме дека некое друго дете го прави истото. Кога ние ќе седнеме на полна трпеза, ќе знаеме дека и другите ќе ја имаат истата.

Заедно против сиромаштијата ❤🙏